სპეცრაზმელების დაკავება შესრულებული უკანონო დავალების გამო არასწორია, - ასე უპასუხა პრემიერმინისტრმა ღარიბაშვილმა ტელეკომპანია ტაბულას კითხვას.
"თქვენ თუ იმას ფიქრობთ, რომ მე ვარ მთავარი პროკურორიც და მე დავაკავე სპეცრაზმელები, ძალიან დიდი შეუსაბამობაა და არაა სიმართლე. მე აქვე კიდევ ერთხელ ღიად ვაფიქსირებ, რომ, რა თქმა უნდა, მე მიმაჩნია, რომ არასწორია სპეცრაზმელების დაკავება შესრულებულ უკანონო დავალებაზე. ვიცით, ვინც გასცემდა ამგვარ დავალებებს წინა ხელისუფლების დროს. ესენი იყვნენ პრეზიდენტი ან მინისტრი - რა თქმა უნდა, მათით უნდა დაწყებულიყო გამოძიება და ისინი უნდა იყვნენ პასუხისმგებელი", - თქვა ღარიბაშვილმა.
