საფრანგეთის ქალაქ ლილში ბრიტანელ და რუს გულშემატკივრებს შორის დაპირისპირება გუშინაც გაგრძელდა. ფრანგმა სამართალდამცავებმა 40-მდე გულშემატკივარი დააკავეს.
არეულობის შედეგად, 50-ზე მეტი ადამიანი დაშავდა, 16 მათგანი საავადმყოფოშია გადაყვანილი. დაპირისპირებაში 200-მდე ადამიანი მონაწილეობდა.
ფრანგ სამართალდამცავებს ცრემლსადენი გაზისა და ხელკეტების გამოყენება მოუწიათ.
გარდა ამისა, გუშინვე საფრანგეთიდან რუსეთის 20 გულშემატკივარი დეპორტით გააძევეს, მათ შორის, რუსეთის გულშემატკივართა გაერთიანების პრეზიდენტი ალექსანდრ შპრიგინი.
