აარონ კარტერის გარდაცვალების მიზეზი ცნობილია. 34 წლის მომღერალი 2022 წლის ნოემბერში საკუთარ აბაზანაში გარდაცვლილი იპოვეს.
კარტერი ნარკოტიკული ზემოქმედების ქვეშ აბაზანაში დაიხრჩო. სამედიცინო ექსპერტიზამ დაადგინა, რომ მომღერალს ალპრაზორამი (ქსანაქსის ერთ-ერთი სახეობა) და დიფლუოროეთანი ჰქონდა მიღებული. უკანასკნელი საყოფაცხოვრებო დანიშნულების, აირით კომპრესირებულ ქილებში გამოიყენება. შეყნოსვისას ნივთიერება ძლიერ ეიფორიას იწვევს.
აარონ კარტერი Backstreet Boys-ის წევრის, ნიკ კარტერის უმცროსი ძმა არის, რომელიც მუსიკალურ შოუბიზნესში 9 წლის ასაკში გამოჩნდა. კარიერის განმავლობაში ჩაწერილი აქვს 5 სტუდიური ალბომი.
მუსიკოსს პრობლემატური წარსული ჰქონდა. კარტერი ნარკოტიკების ქონის გამო ორჯერ დააკავეს. 2019 წელს მომღერალმა ღიად ილაპარაკა მენტალურ პრობლემებზე, კარტერის თქმით ექიმებმა მას შიზოფრენია, შფოთვითი აშლილობა და პიროვნების გაორება დაუდგინეს.
