ცოლად შერთვის მიზნით, კახეთში, საგარეჯოში 17 წლის გოგო მოიტაცეს. როგორც ტაბულას შინაგან საქმეთა სამინისტროში უთხრეს, უწყებამ გამოძიება უკვე დაიწყო.
მოტაცებული გოგოს მამა ამბობს, რომ მისი შვილი ღამით 4-მა პირმა წაიყვანა.
"ღამის 11 საათზე 17 წლის ბავშვი საკუთარი სახლიდან 4-მა ბიჭმა მოიტაცა [...] ვინც ჩემი შვილი მოიტაცა, ჩვენი სოფლის გამგებლის ბიძაშვილია [...] მინდა, ჩემი შვილი საკუთარი თვალით ვნახო და დაველაპარაკო". - თქვა მოტაცებული არასრულწლოვანი გოგოს მამამ TV პირველთან საუბარში.