ჯო და ჯილ ბაიდენების ძაღლი სახელად კომანდერი თეთრი სახლიდან გაასახლეს. ამბავს აშშ-ს პირველი ლედის ჯილ ბაიდენის კომუნიკაციების დირექტორი ელიზაბეტ ალექსანდერი ადასტურებს.
ორი წლის გერმანულმა ნაგაზმა სექტემბრის ბოლოს საიდუმლო სამსახურის თანამშრომელი დაკბინა. ეს რიგით მე-11 შემთხვევა იყო.
ალექსანდერის თქმით პრეზიდენტი და პირველი ლედი "ზრუნავენ თეთრ სახლში მომუშავე ადამიანების უსაფრთხოებაზე".
ბაიდენების მეორე ძაღლმა სახელად მეიჯორმა თეთრ სახლში გადასვლისთანავე დაცვის სამსახურის თანამშრომელი დაკბინა. მეიჯორიც დღეს აშშ-ს პრეზიდენტის რეზიდენციაში აღარ ცხოვრობს.
თეთრი სახლის პრესსპიკერის კარინ ჟან-პიერის თქმით ცხოველების აგრესია იმ დიდი სტრესის შედეგია, რომელიც პრეზიდენტის რეზიდენციაში ცხოვრებას ახლავს. ჟან-პიერის აზრს იზიარებს კინოლოგების ნაწილი.