შინაგან საქმეთა სამინისტროს ცნობით, მუდმივმოქმედმა კომისიამ საგამოძიებო ღონისძიებების შედეგად ამოღებული ნარკოტიკული საშუალებები მაღალტემპერატურულ ღუმელში გაანადგურა.
საუბარია შემდეგ ნარკოტიკებზე:
- 12 კილო და 900 გრამი კოკაინი;
- 1 კილო და 792 გრამი ჰეროინი;
- 1343 აბი „სუბუტექსი;
- კოდეინის შემცველი 2863 აბი;
- 14 კილო და 425 გრამი კანაფი;
- 14 კილო და 456 გრამი მარიხუანა;
- 25,6 გრამი მეტადონი;
- 797 აბი „მდმა“;
- 1820 აბი „ტრამადოლი“;
ასევე, სხვადასხვა დასახელების ფსიქოტროპული და ახალი ფსიქოაქტიური ნივთიერებები.
შსს-ს ცნობით, სამართალდამცველები ნარკოტიკულ და ფსიქოაქტიურ საშუალებებს სასამართლოს შესაბამისი განაჩენის შემდეგ, 3 თვეში ერთხელ ანადგურებენ.