თბილისის მერმა დავით ნარმანიამ დღეს სამწლიანი მუშაობის შემაჯამებელი ანგარიში წარადგინა. მისი თქმით, "შემუშავებულია საცობების მართვის 5-პუნქტიანი სამოქმედო გეგმა, რომლის
ერთ-ერთი პრიორიტეტული მიმართულებაა მიწისქვეშა და მიწისზედა
მრავალსართულიანი ავტოსადგომების შექმნა".
თბილისის მერის განცხადებით, დედაქალაქის მთავრობამ კომპანია PWC-ს დაუკვეთა კვლევა, რომლის შედეგადაც, მრავალდონიანი პარკინგების ასაშენებლად, დედაქალაქის მასშტაბით 10 ადგილი შეირჩა.
