ფასადებზე ქართული წარწერების არ გამოყენება სერიოზული პრობლემაა, რომელსაც დღეს ვაწყდებით დედაქალაქში. მე ამაზე წინასაარჩევნოდაც ვსაუბრობდი და ახლაც გავიმეორებ, რომ ძალიან დიდ ყურადღებას მივაქცევთ და ძალიან მკაცრები ვიქნებით. დღესვე დავავალე ზედამხედველობის სამსახურს, რომ დაიწყონ მითითებები, მისცენ გონივრული ვადა ყველა მესაკუთრეს, რომ რაღაც დროის განმავლობაში ცვლილებები იქნეს განხორციელებული. ჩვენ არავის არ ვეწინააღმდეგებით, არავის ვერჩით, ყველას აქვს უფლება და საშუალება, ჩამოვიდეს ჩვენს ქვეყანაში, განახორციელოს ბიზნესი, რა თქმა უნდა კანონის ფარგლებში, მაგრამ ქართულ ენას უნდა ვცეთ პატივი. ეს ყველაფერი არის კანონმდებლობით განსაზღვრული. თუ დამატებითი რეგულაციები არის საჭირო, აუცილებლად მივმართავთ საკრებულოს და კანონის გამკაცრების თვალსაზრისით ასევე პარლამენტს. ჩვენ ნამდვილად არ დავუშვებთიმას, რაც ბოლო თვეების, ბოლო წლების განმავლობაში ხდება დედაქალაქში. ჩვენს საკუთარ ენას უნდა ვცეთ პატივი.
tbl.ge/2svv
დაკოპირდა
თბილისის მერმა ეს განცხადება ახვლედიანის ქუჩის დათვალიერებისას გააკეთა. კალაძე მერობის კანდიდატობის დროსაც აცხადებდა, რომ მისთვის გულდასაწყვეტია, როცა "რეაბილიტირებულ აღმაშენებელზე გაივლი და ქართული ასოების გარდა, ქართული წარწერების გარდა შეიძლება ყველა ენაზე იხილო დაფები". ცნობისთვის, საქართველოს ორგანული კანონი სახელმწიფო ენის შესახებ არეგულირებს იმას, რომ დაწესებულებებსა თუ სხვა საჯარო სივრცეებზე წარწერა მითითებული უნდა იყოს ქართულ ენაზე.
ამავე თემაზე
- NGO-ები კალაძეზე: EU-ში გაწევრიანების საწინააღმდეგო რიტორიკა ხალხის ღალატია
- კალაძე: როინ ქოჩორაშვილი ნაცია, გახარიას პარტიის წარმომადგენელია
- კალაძე: ზურაბიშვილი ქვეყნის განვითარებას პირდაპირ ეწინააღმდეგება
- კალაძე: ევროპარლამენტარების განცხადებები დამაზიანებელია, ხალხში ნიჰილიზმს იწვევს
- კალაძე: პირადად მე ზაარბრიუკენის მოედანზე კონკურსის ფარგლებში დადგმული ქანდაკება მომწონს