გახარია აღდგომის დღესასწაულზე: გვაქვს გარკვეული იმედები, რომ სიტუაცია შეიძლება გამოსწორდეს

რა თქმა უნდა, საპატრიარქოსთან კომუნიკაცია არსებობს. რა თქმა უნდა, ჩვენ ძალიან კარგად გვესმის ეკლესიის როლი და დარწმუნებული ვარ, რომ ეკლესიასაც ესმის სახელმწიფოს როლი და პირდაპირი ვალდებულება, იზრუნოს ადამიანის ჯანმრთელობასა და სიცოცხლეზე. ეს არის ის პოსტულატი, რომელზეც ჩვენ გარკვეულ კომპრომისებს უნდა მივაღწიოთ.

მე არ მინდა ახლა საუბარი დღესასწაულებზე, რადგან ჯერ კიდევ სამი კვირაა იქამდე და ჩვენ გვაქვს გარკვეული იმედები და ვნახოთ. გვაქვს ძალიან ფრთხილი, მაგრამ გარკვეული იმედები, რომ სიტუაცია შეიძლება გამოსწორდეს, მაგრამ ეს არ იქნება მარტივი.

ყველა შემთხვევაში, მე ვუყურებ, როგორ ვითარდება ეკლესიის მიდგომაც - თუნდაც ის სტანდარტები,  რომელსაც ეკლესია ადგენს სოციალური დისტანციის დაცვის ნაწილში, იყო აბსოლუტურად მკაფიო მოწოდებები, რომ საეკლესიო მსახურების დროს, მაშინ როცა საშუალება არ არის ვიყოთ ეკლესიის შიგნით, ვიყოთ ეზოში და კიდევ ბევრი რამე, მაგრამ სახელმწიფოს რეკომენდაცია არის აბსოლუტურად ერთმნიშვნელოვანი - გავუფრთხილდეთ ჩვენი მოქალაქის ჯანმრთელობას და სიცოცხლეს, გავითვალისწინოთ ჯანდაცვის სამინისტროს და დაავადებათა კონტროლის ცენტრის რეკომენდაციები და გავუფრთხილდეთ ერთმანეთს. გავუფრთხილდეთ მეზობლებს, მეგობრებს, მშობლებს, შვილებს და იქ, სადაც შესაძლებელია, რელიგიური რიტუალები აღვასრულოთ სახლში, მოდით, ეს გავაკეთოთ სახლში, ეს არის მთავრობის რეკომენდაცია, ეს არის ჩვენი პასუხისმგებლობა, რომ ვიზრუნოთ თოთოეული ადამიანის ჯანმრთელობასა და სიცოცხლეზე

პრემიერმინისტრი გიორგი გახარია TV იმედის ეთერში, კითხვაზე, საგანგებო მდგომარეობის და გამკაცრებული რეჟიმის პირობებში, როგორ შეძლებს მოსახლეობა რელიგიური დღესასწაულების აღნიშვნას და აქვს თუ არა მთავრობას ამ საკითხზე კომუნიკაცია საპატრიარქოსთან. პატრიარქის ბოლო მიმართვის მიხედვით, ეკლესია არ აპირებს წირვა-ლოცვების შეჩერებას და ზიარებაც კვლავ ერთი კოვზით მოხდება.
მოკლე ბმული:

ახალი ვიდეო მეტი ვიდეო

1702 აბი MDMA, 490 კაფსულა ლირიკა, 237 გრ მარიხუანა - სარფში აზერბაიჯანის მოქალაქე დააკავეს

კომენტარები