ბელგიის თასის 1/8-ფინალში გიორგი ჩაკვეტაძისა და გიორგი ქვილითაიას "გენტმა" "ვირტონი" ანგარიშით 4:2 დაამარცხა. ჩაკვეტაძემ მოედანზე 90 წუთი გაატარა, ქვილითაიას კი, ტრავმის გამო არ უთამაშია.
ქართველების გუნდი 1:2-ს აგებდა, როცა ჩაკვეტაძის პასით ლიმბომბემ ანგარიში გაათანაბრა. მატჩის მიწურულს, ჩაკვეტაძემ ლიმბომბეს ბურთი ქუსლით დაუტოვა და ამ უკანასკნელმაც ტაბლოზე საბოლოო ანგარიში - 4:2 დააფიქსირა.
ასევე ცნობილია, რომ ექიმების წინასწარი პროგნოზით, გიორგი ქვილითაია "გენტს" იანვრიდან დაუბრუნდება.
