საქართველოს კულტურული მემკვიდრეობის დაცვის ეროვნული სააგენტოს გენერალური დირექტორის ბრძანებით, არამატერიალური კულტურული მემკვიდრეობის სია გაფართოვდა. არამატერიალური კულტურული მემკვიდრეობის ძეგლის სტატუსი კიდევ ექვს ტრადიციას და რიტუალს მიენიჭა:
- ქართული ხორბლის კულტურა: ტრადიციები და რიტუალები;
- გელათის მეცნიერებათა აკადემიის ტრადიცია;
- რთვლის ტრადიცია საქართველოში;
- მცხეთური ღვეზელის დამზადების ტრადიცია და მისი კულტურული კონტექსტი;
- მესხური სამზარეულო – აპოხტის, წიბოსა და აპოხტის ხინკლის დამზადებისა და გამოყენების ტრადიცია;
- ინფექციურ დაავადება „ბატონებთან“ დაკავშირებული რიტუალური ქმედებები, სიმღერა და წეს-ჩვეულებები საქართველოში.
ნიკოლოზ აზნაურაშვილის ბრძანება 9 იანვარს გამოქვეყნდა და ძალაში უკვე შევიდა.
