რუსეთის თავდაცვის მინისტრმა, სერგეი შოიგუმ თქვა, რომ "უკრაინაში სპეციალური სამხედრო ოპერაციის ზონაში" ჯარის თითოეული დანაყოფისთვის ცხრა სარეზერვო პოლკი შეიქმნა.
"საკონტრაქტო ჯარისკაცებს თუ დავუბრუნდებით, როგორც გენერალურმა შტაბმა გადაწყვიტა, თითოეული ჯგუფისთვის სარეზერვო პოლკები შევქმენით. დღეს ჩვენ გვყავს ცხრა სარეზერვო პოლკი, რომელიც ჩართულია საწვრთნელ მოქმედებებში ჩართული და მიმდინარეობს მისი ბუნებრივი, მუდმივი შევსება". - თქვა შოიგუმ გაერთიანებული ძალების ჯგუფის შტაბ-ბინაში გამართულ შეხვედრაზე.
3 ოქტომბერს მოსკოვში გამართულ კონფერენციაზე შოიგუმ თქვა, რომ 2023 წელს 335 000-ზე მეტი ადამიანი წავიდა ჯარში კონტრაქტის საფუძველზე და ასევე მოხალისეთა ფორმირებებში. ერთი კვირით ადრე, 26 სექტემბერს კი უშიშროების საბჭოს თავმჯდომარის მოადგილემ, დმიტრი მედვედევმა 325 000 საკონტრაქტო ჯარისკაცსა და მოხალისეზე ისაუბრა.
ამავდროულად, Bloomberg-მა აგვისტოს ბოლოს გაავრცელა ინფორმაცია, რომ პუტინის გარშემო მყოფი უშიშროების წარმომადგენლები დაჟინებით მოითხოვენ საომარი მდგომარეობის გამოცხადებას და სრულ მობილიზაციას.
რუსეთის ხელისუფლების წარმომადგენლები რეგულარულად უარყოფენ ინფორმაციას მობილიზაციის ახალი ტალღის და მისი აუცილებლობის შესახებ. 2022 წლის სექტემბერში რუსეთის პრეზიდენტის პრესმდივანი, დმიტრი პესკოვი მობილიზაციის გამოცხადებამდე ერთი კვირით ადრე ირწმუნებოდა, რომ ხელისუფლება ასეთ ნაბიჯებს არ გადადგამდა. ერთი კვირის შემდეგ კი დააზუსტა, რომ მისი კომენტარი ეხებოდა სრულ და არა ნაწილობრივ მობილიზაციას.
