თურქმენეთის პრეზიდენტი გურბანგული ბერდიმუხამედოვი ორ კვირაზე მეტია საჯაროდ არ გამოჩენილა. დღეს რუსული მედიის ნაწილმა სამ დამოუკიდებელ წყაროზე დაყრდნობით გაავრცელა ინფორმაცია, რომ, შესაძლოა, თურქმენეთის დიქტატორი გარდაიცვალა.
რუსეთში თურქმენეთის საელჩომ გავრცელებულ ინფორმაციას სიცრუე უწოდა, თუმცა, ბერდიმუხამედოვი კამერებთან კვლავ არ გამოჩენილა.
საელჩოს განცხადების შემდეგ, რუსულმა მედიამ გურბანგულის გაუჩინარების მეორე ვერსია გაავრცელა - შესაძლოა მან თურქმენეთი დატოვა და გერმანიაში სამკურნალოდ მყოფ დედასთან გაემგზავრა.
