ჩინეთის ხელისუფლების წარმომადგენლების ცნობით, სამხრეთ ჩინეთში მეურნეობიდან ათობით ნიანგი გაიქცა ტაიფუნის მიერ გამოწვეული წყალდიდობის დროს.
დაახლოებით 75 ნიანგი მას შემდეგ გაიქცა, რაც გუანდონგის პროვინციაში მაომინგის ტბა ადიდდა. ადგილობრივმა ხელისუფლებამ რამდენიმე ნიანგის დაჭერა შეძლო, თუმცა დანარჩენი ნიანგების დასაჭერად უსაფრთხოების მიზნით იარაღისა და ელექტროშოკის გამოყენება გახდა საჭირო.
ახლომდებარე სოფლების მოსახლეობას სახლი დარჩენისკენ მოუწოდებენ.
ტაიფუნი ჰაიკუი სამხრეთ აზიაში ერთ კვირაზე მეტია ვრცელდება და ჩინეთს, ჰონგ კონგს, ტაივანსა და იაპონიას შეეხო. სტიქიის შედეგად, დაიღუპა შვიდი ადამიანი და სამი უგზოუკვლოდ დაკარგულად ითვლება. ტაიფუნი ახლა ტროპიკულ შტორმად გადაიქცა, რამაც თავის მხრივ მეწყერი და წყალდიდობა გამოიწვია.
