ადგილობრივი მედიის ცნობით, რუსეთში, ორენბურგის ოლქში ორსკში დამბა კიდევ ერთხელ გაირღვა.
"სიტუაცია რთულდება. ჯერ წყალი გადმოვიდა, შემდეგ დამბა გაირღვა ბორისოგლებსკის ქუჩის რაიონში. წყალი შეუჩერებლად მიედინება ქალაქში. ვთხოვ ყველას, ძველი ქალაქის სავალალო გამოცდილების გათვალისწინებით, დროულად დაიწყოთ ევაკუაცია." - თქვა ჟურნალისტებთან ორსკის მერმა, ვასილი კოზუპიცმა.
ადგილობრივი მედიის ცნობით, ეს უკვე მესამე გაჟონვაა. პირველად დამბა ორსკის ძველი ქალაქის რაიონში გაირღვა, მეორეჯერ კი ნიკელის დასახლებაში.
აქამდე მცირე ხნით ადრე ორენბურგის ოლქის ხელისუფლებამ გამოაცხადა, რომ ორსკის ადმინისტრაციაში შემავალი ნიკელის დასახლების სასწრაფო ევაკუაცია დაიწყო.
5 აპრილის საღამოს ორსკში ნაპირსამაგრი დამბა გაირღვა, დაიტბორა ათასობით სახლი, საჭირო გახდა მოსახლეობის ევაკუაცია.
