თურქეთის სამხედრო სამსახურის ცნობით, გუშინ, შირნაქის პროვინციაში, სამხედრო ვერტმფრენმა კატასტროფა განიცადა.
ავიაკატასტროფას 13 სამხედრო ემსხვერპლა.
"შირნაქის პროვინციაში, ერაყის საზღვართან, სამხედრო ვერტმფრენმა კატასტროფა განიცადა. ვერტმფრენი ელექტროგადამცემ ხაზს დაეჯახა", - წერია განცხადებაში.
გავრცელებული ინფორმაციით ავიაკატასტროფა 20:55 საათზე მოხდა. ვერტმფრენი ელექტროგადამცემ ხაზს აფრენიდან 3 წუთში დაეჯახა.
