კომპანია დექსუსი ივანე ცაგურიასთვის ბრალის წაყენებასთან დაკავშირებით განცხადებას ავრცელებს.
კომპანია დექსუსის დირექტორი გიორგი ქანანიშვილი აცხადებს, რომ დექსუსის დამფუძნებლის, ივანე ცაგურიას დაკავების მოტივი გაუგებარია.
"პროკურატურა იძიებს ცენტრ პოინტის საქმიანობას 2001-დან 2009 წლამდე პერიოდში. კომპანია დექსუსმა ცენტრ პოინტის აქტივების მართვაზე ხელშეკრულება 2010 წელს გააფორმა, შესაბამისად ჩემთვის აბსოლუტურად გაუგებარია, რატომ წაუყენეს დექსუსის ერთ-ერთ დამფუძნებელს ბრალი. მეორე მხრივ, მას ედავებიან დახმარებას ქონების მითვისებაში და ის ადამიანები, რომლებსაც აბრალებენ ქონების მითვისებას, გარეთ არიან და განცხადებებს აკეთებენ, ხოლო ივანე ცაგურია წინასწარ დაკავებაშია", - აცხადებს გიორგი ქანანიშვილი.
ცენტრ პოინტ ჯგუფისა და დექსუსის დამფუძნებლებს დიდი ოდენობის თანხების მითვისებაში ბრალი დღეს, 11 ივლისს წაუყენეს.