ტურიზმი

ესპანეთი უცხოელ ტურისტებს ივლისიდან მიიღებს

0 კომენტარი

ესპანეთის პრემიერმინისტრის, პედრო სანჩესის, განცხადებით, ქვეყანა უცხოელი ტურისტებისთვის საზღვრებს ივლისიდან გახსნის.

"უცხოელ ტურისტებს უკვე შეუძლიათ, ჩვენს ქვეყანაში დაგეგმონ შვებულება", - თქვა ესპანეთის პრემიერმინისტრმა სატელევიზიო მიმართვაში.

მისი თქმით, გარანტირებული იქნება, რომ ტურისტებმა არც ჩამოიტანონ და არც ესპანეთში გადააწყდნენ რისკს.

გარდა ამისა, სანჩესმა ესპანელებს მოუწოდა, ადგილობრივი შვებულებების დაგეგმვა დაიწყონ.

8 ივნისიდან ესპანეთში საფეხბურთო ჩემპიონატიც ბრუნდება.

ამ დროისათვის, ახალმა კორონავირუსმა ესპანეთში 28 600-ზე მეტი ადამიანის სიცოცხლე იმსხვერპლა, დაინფიცირებულთა მაჩვენებელმა კი 235 000-ს მიაღწია. შეზღუდვების შერბილებასთან ერთად, მცირდება სიკვდილიანობისა და ახლად დაინფიცირების მაჩვენებლებიც. იტალიასთან ერთად, სწორედ ესპანეთი იყო კონტინენტურ ევროპაში ვირუსის გავრცელების ეპიცენტრი.

ახალი ვიდეო მეტი ვიდეო

ცოლის ცემისთვის თბილისში 34 წლის კაცი დააკავეს

კომენტარები